Nú er komið að lokum þriðja leikjanámskeiðs sumarsins og gaman að segja frá því að allt hefur gengið ljómandi vel. Börnin hafa tekið þátt í allskonar ævintýrum, vaðið og dottið í ána, byggt virki og bú, skriðið í hellum og gengið á hóla. Við höfum fengið gott veður allan tímann og veðrið því ekki komið í veg fyrir neina útiveru. Gengið var m.a. í Kúadal þar sem voru leikir og fjör. Við fórum líka í Kaldárselshella þar sem börnin fóru ofan í hella og hlustuðu á sögur. Þar voru þau mjög sannfærð sum um að sést hefði til refs, en lítið var um staðfestingu á því. Einnig var gengið að 100 manna helli, hann skoðaður og að Fosshelli, en í þeim síðarnenefnda var hlustað á lokakaflann í æsispennandi sögu um Jón Spæjó. Í gær var svo veisludagur, langur dagur sem margir voru mjög spenntir fyrir, því í lok hans var gisting fyrir flesta. Honum lauk með kvöldvöku með mörgum leikritum, miklum söng og hugvekju. Langflestum gekk mjög vel að sofna, enda mikið búið að ganga á yfir daginn. Nú er runninn upp lokadagurinn. Margir vöknuðu snemma, enda spenningurinn mikill fyrir því sem framundan er. Nú er lokaundurbúningur fyrir bátakeppnina miklu sem fram fer síðar í dag. Bátarnir voru málaðir í gær og ekkert eftir nema lokaprófanir og endurbætur. Ég vil minna á að nú þarf að sækja börnin milli 14:30-15:00, þennan lokadag, því hliðið verður ólæst á því bili. Hér hefur verið gaman að vera þessa vikuna, skemmtileg og fjörug börn sem var gaman að kynnast og eyða góðum stundum með. Takk kærlega fyrir vikuna, Jóhann Pétur Herbertsson, forstöðumaður.

Nú er leikjanámskeið II að líða að lokum en það er óhætt að segja að mikil gleði ríki hér meðal baranna í Kaldárseli. Við höfum fengið ágætis veður í vikunni og nú er hlýtt og bjart en nokkur ský á lofti. Vikan er búin að vera viðburðarík og skemmtileg, hópurinn inniheldur fjöruga krakka sem eru bæði dugleg að borða og leika sér. Í þessari viku erum við búin að gera ýmislegt skemmtilegt enda er alltaf fjör í sumarbúðum. Á smíðasvæðinu er verið að byggja risastóran kofa og báta fyrir bátakeppni, síðan hafa krakkarnir föndrað, gert vinabönd, búið til kókoskúlur, vaðað og farið í ýmiskonar leiki bæði úti og inni. Við leggjum mikið upp úr því að skoða fallega umhverfið í kringum Kaldársel en í vikunni hafa börnin leikið í lautinni í Kúadal, notið veðurblíðu í Valabóli og skriðið í gegnum Hundrað-metra-hellinn. Í gær var veisludagur og þá var heldur betur ævintýri á dagskrá Til okkar komu geimverur sem brölluðu margt sniðugt með krökkunum þar á meðal var farið í spurningakeppni, íþrótta-tasan, matarsmökkun, þrautir og leiki. Ævintýraleikurinn endar á göngu í hrauninu þar sem börnin fá sér nónhressingu og sleikjó. Dagurinn endaði svo á veislukvöldvöku þar sem foringjar fóru á kostum í sprenghlægilegum leikritum. Já vikan hefur svo sannarlega verið ánægjuleg og viðburðarík. Ég vil minna foreldra á að sækja börnin á milli 14:30 og 15:00 þar sem sett hefur verið upp hlið sem takmarkar aðgengi að staðnum. Takk fyrir vikuna, Monika Jónsdóttir, forstöðukona

Jóna Þórdís Eggertsdóttir

Um Jóna Þórdís Eggertsdóttir

Höfundur hefur ekki skráð neinar upplýsingar um sjálfan sig.
Fram til þessa hefur Jóna Þórdís Eggertsdóttir skrifað 7 færslur á vefinn.

Kaldársel flaggar Grænfánanum

Höfundur: Jóna Þórdís Eggertsdóttir|2019-10-30T11:43:15+00:0022. október 2019|

Í sumar tóku sumarbúðinar í Kaldársel þátt í þróunarverkefni í samstarfi við Skóla á grænni grein en með því erum við fyrstu félagasamtökin til að taka þátt í grænfánaverkefninu. Yfir sumaruð var tekið fyrir þemað neysla og úrgagnur þar sem [...]

Lesa áfram

Leikjanámskeið III

Höfundur: Jóna Þórdís Eggertsdóttir|2019-07-12T11:42:21+00:0012. júlí 2019|

Nú er komið að lokum þriðja leikjanámskeiðs sumarsins og gaman að segja frá því að allt hefur gengið ljómandi vel. Börnin hafa tekið þátt í allskonar ævintýrum, vaðið og dottið í ána, byggt virki og bú, skriðið í hellum og [...]

Lesa áfram

Grænfáninn í Kaldársel

Höfundur: Jóna Þórdís Eggertsdóttir|2019-10-30T11:44:11+00:0011. júlí 2019|

Í sumar varð Kaldársel fyrst sumarbúða KFUM og KFUK á Íslandi til að taka þátt í Grænfánaverkefninu á vegum Landverndar og þar með tóku fyrstu félagasamtökin þátt í þessu flotta verkefni. Umhverfisnefnd hefur verið mynduð og sitja í henni fulltrúar [...]

Lesa áfram

Leikjanámskeið II

Höfundur: Jóna Þórdís Eggertsdóttir|2019-07-05T13:17:00+00:005. júlí 2019|

Nú er leikjanámskeið II að líða að lokum en það er óhætt að segja að mikil gleði ríki hér meðal baranna í Kaldárseli. Við höfum fengið ágætis veður í vikunni og nú er hlýtt og bjart en nokkur ský á [...]

Lesa áfram

Veisludagur og heimferð Dvalaflokkur II

Höfundur: Jóna Þórdís Eggertsdóttir|2019-06-28T12:51:57+00:0028. júní 2019|

Nú fer flokknum fljótlega að ljúka. Vikan er búin að vera viðburðarík og skemmtileg, hópurinn inniheldur fjöruga krakka sem eru bæði dugleg að borða og leika sér. Í gær var veisludagur, hann hófst eins og alla daga á morgunmat og [...]

Lesa áfram

Dagur 3 Dvalaflokkur II

Höfundur: Jóna Þórdís Eggertsdóttir|2019-06-27T11:24:09+00:0027. júní 2019|

Krakkarnir vöknuðu hress og kát um átta leitið í morgun. Dagurinn hófst með mogunverði sem fylgt var eftir með biblíulestri. Þar fengu þau að heyra söguna um sáðmanninn og sungu hress og skemmtileg Kaldárselslög. Eftir mörgunsöngin fórum við saman niður [...]

Lesa áfram

Dagur 2 í Dvalaflokk II

Höfundur: Jóna Þórdís Eggertsdóttir|2019-06-25T22:27:43+00:0025. júní 2019|

Krakkarnir vöknuðu hress og kát um átta en fljótlega fór þreyta eftir ævintýri næturinnar að segja til sín svo ákveðið var að hafa rólegan morgun og var ekki morgunmatur fyrr en níu. Eftir morgunmat var biblíulestur þar sem sögð var [...]

Lesa áfram